Dream11 ಶೀರ್ಷಿಕೆ ಓದಿ ಶಾಕ್‌ ಆಯ್ತಾ…ನಮಗೆ ಮಾತ್ರವಲ್ಲ ಆ ದರ್ಜಿಗೂ ಹಾಗೆಯೇ ಆಗಿದೆ. ಜಾರ್ಖಂಡ್‌ನ ಚತ್ರಾ ಜಿಲ್ಲೆಯ ವಾಸಿಯಾದ ಈ ದರ್ಜಿ ಡ್ರೀಮ್ ಇಲೆವೆನ್ ಮೂಲಕ 3 ಕೋಟಿ ರೂಪಾಯಿಗಳನ್ನು ಗೆದ್ದಿದ್ದಾರೆ. ಕೇವಲ 49 ರೂ.ಗೆ 3 ಕೋಟಿ ರೂ.ಗಳ ಗೆಲುವು ಸದ್ಯ ಚರ್ಚೆಯ ವಿಷಯವಾಗಿದೆ. ಈಗಾಗಲೇ ಮನೆಯಲ್ಲಿ ಸಂತೋಷದ ವಾತಾವರಣ ಮೂಡಿದ್ದು, ನೆರೆಹೊರೆಯವರು ಮತ್ತು ಸಂಬಂಧಿಕರು ಅವರನ್ನು ಅಭಿನಂದಿಸುತ್ತಿದ್ದಾರೆ. ಜನರು ದರ್ಜಿ ಶಾಹಿದ್ ಗೆಲುವಿನ ಬಗ್ಗೆ ಸಂತೋಷ ವ್ಯಕ್ತಪಡಿಸಿದರಾದರೂ ಇದು ಅಪಾಯಕಾರಿ ಆಟ ಎಂದು ಎಚ್ಚರಿಕೆ ನೀಡಿದರು. ಅಂದಹಾಗೆ ಡ್ರೀಮ್ ಇಲೆವೆನ್ ನಲ್ಲಿ ಬುದ್ಧಿವಂತಿಕೆಯಿಂದ ಆಟವಾಡಬೇಕು. ಇಲ್ಲದಿದ್ದರೆ ನಿಮಗೆ ದೊಡ್ಡ ನಷ್ಟವಾಗಬಹುದು.
ಟೈಲರ್ ಶಾಹಿದ್ ಹಿನ್ನೆಲೆ
ಶಾಹಿದ್ ಚತ್ರಾ ನಗರದ ದರ್ಜಿ ಬಿಘಾ ನಿವಾಸಿ. ಇವರು ಡ್ರೀಮ್ ಇಲೆವೆನ್‌ನಲ್ಲಿ ತಮ್ಮ ಅದೃಷ್ಟವನ್ನು ಪರೀಕ್ಷಿಸಲು ಹೋಗಿ ಕೊನೆಗೆ ಮಿಲಿಯನೇರ್ ಆದರು. ಐಪಿಎಲ್‌ನ ಐದನೇ ಪಂದ್ಯದಲ್ಲಿ, ಪಂಜಾಬ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ಡ್ರೀಮ್ 11 ರಲ್ಲಿ ತಮ್ಮ ತಂಡವನ್ನು ಆಯ್ಕೆ ಮಾಡಿಕೊಳ್ಳುವ ಮೂಲಕ ಶಾಹಿದ್ ತಮ್ಮ ಅದೃಷ್ಟವನ್ನು ಪರೀಕ್ಷಿಸಿದರು ಮತ್ತು ಮೂರು ಕೋಟಿ ರೂಪಾಯಿಗಳನ್ನು ಗೆದ್ದರು.
ಶಾಹಿದ್ ಹೇಳಿದ್ದೇನು?
ಪಂದ್ಯ ಮುಗಿದ ಸ್ವಲ್ಪ ಸಮಯದ ನಂತರ ತಾನು 3 ಕೋಟಿ ರೂಪಾಯಿ ಗೆದ್ದಿರುವುದನ್ನು ನೋಡಿದೆ ಎಂದು ಶಾಹಿದ್ ಹೇಳಿದರು. ಮೊಬೈಲ್ ಗೇಮಿಂಗ್ ಅಪ್ಲಿಕೇಶನ್ Dream11 ನಲ್ಲಿ 3 ಕೋಟಿ ರೂ. ಗೆದ್ದ ನಂತರ ಶಾಹಿದ್ ಮನೆಯಲ್ಲಿ ಸಂಭ್ರಮ ಮನೆ ಮಾಡಿದ್ದು, ತಮ್ಮ ಸಂತೋಷವನ್ನು ವ್ಯಕ್ತಪಡಿಸಿದ ಶಾಹಿದ್, ಇದು ಇಡೀ ಕುಟುಂಬಕ್ಕೆ ಯಾವುದೇ ಕನಸಿಗಿಂತ ಕಡಿಮೆಯಿಲ್ಲ ಎಂದು ಹೇಳಿದ್ದಾರೆ. ಅವರ ಸುತ್ತಮುತ್ತಲಿನ ಜನರು ಮತ್ತು ದೂರದ ಸ್ಥಳಗಳಿಂದ ಬಂದ ಪರಿಚಯಸ್ಥರು ಸಹ ಅವರನ್ನು ಅಭಿನಂದಿಸುತ್ತಿದ್ದಾರೆ. ಪ್ರಸ್ತುತ ಶಾಹಿದ್ ಆವಾಲ್ ಮೊಹಲ್ಲಾದಲ್ಲಿ ಟೈಲರ್ ಆಗಿ ಕೆಲಸ ಮಾಡುತ್ತಾರೆ.
ಗೆಲುವಿನ ನಗೆ ಬೀರಿದ ಶಾಹಿದ್ ನಾಲ್ಕೂ ತಂಡಗಳು
ಶಾಹಿದ್ ಸಾರಾ ಖಾನಮ್ ಎಂಬ ಐಡಿಯೊಂದಿಗೆ ನಾಲ್ಕು ತಂಡಗಳನ್ನು ರಚಿಸಿದರು ಮತ್ತು ನಾಲ್ಕೂ ತಂಡಗಳು ಗೆದ್ದವು. ಮೊದಲ ತಂಡದಲ್ಲಿ 3 ಕೋಟಿ ರೂ., ಎರಡನೇ ತಂಡದಲ್ಲಿ 8500 ರೂ., ಮೂರನೇ ತಂಡದಲ್ಲಿ 5000 ರೂ. ಮತ್ತು ನಾಲ್ಕನೇ ತಂಡದಲ್ಲಿ 3500 ರೂ. ಗೆದ್ದರು. ಬೆಟ್ಟಿಂಗ್ ಅಪಾಯಕಾರಿ. ಇದು ಆರ್ಥಿಕ ನಷ್ಟಕ್ಕೆ ಕಾರಣವಾಗಬಹುದು. ಆದ್ದರಿಂದ, ನಿಮ್ಮ ಅದೃಷ್ಟವನ್ನು ಪ್ರಯತ್ನಿಸಲು ಬಯಸಿದರೆ, ಎಲ್ಲಾ ನಿಯಮಗಳು ಮತ್ತು ನಿಬಂಧನೆಗಳನ್ನು ಅರ್ಥಮಾಡಿಕೊಳ್ಳಿ. ಸದ್ಯ ಶಾಹಿದ್ 49 ರೂ. ಹೂಡಿಕೆ ಮಾಡಿ 3 ಕೋಟಿ ರೂ. ಗೆದ್ದಿರುವ ವಿಷಯ ಇಡೀ ನಗರದಲ್ಲಿ ಚರ್ಚೆಯ ವಿಷಯವಾಗಿದೆ.
ತುಂಬಾ ಚೆನ್ನಾಗಿ ಪ್ರದರ್ಶನ ನೀಡಿದ ತಂಡಗಳು
ಶಾಹಿದ್ 1358 ಅಂಕಗಳನ್ನು ಗಳಿಸುವ ಮೂಲಕ ಪ್ರಥಮ ಸ್ಥಾನ ಪಡೆದರು ಮತ್ತು 3 ಕೋಟಿ ರೂ.ಗಳನ್ನು ಗೆದ್ದರು. ಅವರು ಶ್ರೇಯಸ್ ಅಯ್ಯರ್ ಅವರನ್ನು ನಾಯಕನನ್ನಾಗಿ ಮತ್ತು ಸಾಯಿ ಸುದರ್ಶನ್ ಅವರನ್ನು ಉಪನಾಯಕನನ್ನಾಗಿ ಮಾಡಿದರು. ಶ್ರೇಯಸ್ ಅಯ್ಯರ್ 386 ಅಂಕಗಳನ್ನು ಮತ್ತು ಸಾಯಿ ಸುದರ್ಶನ್ 234 ಅಂಕಗಳನ್ನು ನೀಡಿದರು. ಜೋಶ್ ಬಟ್ಲರ್ 98 ಅಂಕಗಳು, ಶಶಾಂಕ್ ಸಿಂಗ್ 102 ಅಂಕಗಳು, ಶುಭಮ್ ಗಿಲ್ 73 ಅಂಕಗಳು, ಶೆರ್ಫೇನ್ ಎವಿಸ್ಟನ್ ರುದರ್‌ಫೋರ್ಡ್ 92 ಅಂಕಗಳು, ಪ್ರಿಯಾಂಶ್ ಆರ್ಯ 109 ಅಂಕಗಳು, ಮಾರ್ಕೊ ಜಾನ್ಸೆನ್ 41 ಅಂಕಗಳು, ಕಗಿಸೋ ರಬಾಡ 35 ಅಂಕಗಳು, ರವಿಶ್ರೀನಿವಾಸನ್ ಸಾಯಿ ಕಿಶೋರ್ 103 ಅಂಕಗಳು ಮತ್ತು ಅರ್ಷದೀಪ್ ಸಿಂಗ್ 85 ಅಂಕಗಳನ್ನು ಗಳಿಸಿದರು.
ಸಲಹೆ ಕೊಟ್ಟ ಶಾಹಿದ್
ಡ್ರೀಮ್ 11 ಅನ್ನು ಬುದ್ಧಿವಂತಿಕೆಯಿಂದ ಆಡಬೇಕು. ಇಲ್ಲದಿದ್ದರೆ ಅಪಾಯಕಾರಿ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ವಿಜೇತ ಶಾಹಿದ್ ಜನರಿಗೆ ಸಲಹೆ ನೀಡಿದ್ದಾರೆ. ಡ್ರೀಮ್ 11 ಒಂದು ಅಪಾಯಕಾರಿ ಆಟ. ಹೆಚ್ಚಾಗಿ ಮಧ್ಯಮ ವರ್ಗ ಮತ್ತು ಬಡ ಕುಟುಂಬಗಳ ಜನರು ಇದರಲ್ಲಿ ಹಣವನ್ನು ಹೂಡಿಕೆ ಮಾಡುತ್ತಾರೆ. ಅಂತಹ ಜನರು ಇಂತಹ ಅಪಾಯಕಾರಿ ಆಟಗಳನ್ನು ಆಡುವುದನ್ನು ತಪ್ಪಿಸಬೇಕು. ನೀವು ಬುದ್ಧಿವಂತಿಕೆಯಿಂದ ಆಡದಿದ್ದರೆ, ಭಾರಿ ಆರ್ಥಿಕ ನಷ್ಟ ಮತ್ತು ಸಂಗ್ರಹವಾದ ಬಂಡವಾಳ ವ್ಯರ್ಥವಾಗುವ ಸಾಧ್ಯತೆಯಿದೆ ಎಂದಿದ್ದಾರೆ.
