Personality Test: ನಾವು ಮನೆಯಿಂದ ಹೊರಬಂದು ಕೆಲಸ ಮಾಡುವಾಗ ಅನೇಕ ತರಹದ ಜನರನ್ನು ಭೇಟಿಯಾಗುತ್ತೇವೆ. ವಿಭಿನ್ನ ವ್ಯಕ್ತಿತ್ವದ ಜನರನ್ನು ಮುಖಾಮುಖಿಯಾಗುತ್ತೇವೆ. ಅವರು ನಮ್ಮೊಂದಿಗೆ ಮಾತನಾಡುವ ರೀತಿ, ನಡವಳಿಕೆ ನೋಡಿ ನಾವು ಅವರ ವ್ಯಕ್ತಿತ್ವವನ್ನು ನಮ್ಮ ಮನಸ್ಸಿನಲ್ಲೇ ಅಳೆಯುತ್ತೇವೆ. ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ವ್ಯಕ್ತಿತ್ವವನ್ನು ಅಳೆಯುತ್ತಾರೆ. ಆದರೆ ಒಬ್ಬರ ವ್ಯಕ್ತಿತ್ವದ ಬಗ್ಗೆ ತಿಳಿದುಕೊಳ್ಳಲು ಹಲವಾರು ಮಾಧ್ಯಮಗಳೂ ಇವೆ. ಹೌದು, ಒಬ್ಬರ ವ್ಯಕ್ತಿತ್ವವನ್ನು ನಾವು ಬಣ್ಣದ ಮೂಲಕವೂ ಕಂಡುಹಿಡಿಯಬಹುದು. ನಮ್ಮ ಸುತ್ತಲೂ ಅನೇಕ ಬಣ್ಣಗಳಿವೆ. ಬಣ್ಣಗಳ ವಿಷಯಕ್ಕೆ ಬಂದಾಗ ಪ್ರತಿಯೊಬ್ಬ ವ್ಯಕ್ತಿಯು ವಿಭಿನ್ನ ಬಣ್ಣಗಳನ್ನು ಇಷ್ಟಪಡುತ್ತಾನೆ. ಕೆಲವರು ಗಾಢ ಬಣ್ಣಗಳನ್ನು ಇಷ್ಟಪಡುತ್ತಾರೆ. ಮತ್ತೆ ಕೆಲವರು ತಿಳಿ ಬಣ್ಣಗಳನ್ನು ಇಷ್ಟಪಡುತ್ತಾರೆ. ಆದರೆ ನಾವಿಂದು ಗಾಢ ಬಣ್ಣಗಳನ್ನು ಇಷ್ಟಪಡುವವರ ವ್ಯಕ್ತಿತ್ವದ ಬಗ್ಗೆ ತಿಳಿದುಕೊಳ್ಳೋಣ…
ಜನಸಂದಣಿಯಿಂದ ದೂರ
ಸಾಮಾನ್ಯವಾಗಿ ಗಾಢ ಬಣ್ಣಗಳನ್ನು ಇಷ್ಟಪಡುವ ಜನರು ಯಾವಾಗಲೂ ಜನಸಂದಣಿಯಿಂದ ದೂರವಿರಲು ಇಷ್ಟಪಡುತ್ತಾರೆ. ಅಂತಹ ಜನರ ವ್ಯಕ್ತಿತ್ವವು ಸಾಕಷ್ಟು ಆಕರ್ಷಕವಾಗಿರುತ್ತದೆ. ಎಲ್ಲೇ ಹೋದರೂ ಬೇಗ ಜನರ ಗಮನ ಸೆಳೆಯುತ್ತಾರೆ. ಜನರು ಅವರೊಂದಿಗೆ ಮಾತನಾಡಲು ಮತ್ತು ಸಮಯ ಕಳೆಯಲು ಪ್ರಾರಂಭಿಸುತ್ತಾರೆ.
ಯಾರನ್ನು ಅವಲಂಬಿಸಲ್ಲ
ಗಾಢ ಬಣ್ಣಗಳನ್ನು ಇಷ್ಟಪಡುವವರು ಯಾವುದಕ್ಕೂ ಅವಲಂಬಿತರಾಗಲು ಇಷ್ಟಪಡುವುದಿಲ್ಲ. ಅವರು ಸ್ವಾವಲಂಬಿಗಳು ಮತ್ತು ತಮ್ಮ ಎಲ್ಲಾ ಕೆಲಸಗಳನ್ನು ತಾವೇ ಮಾಡಲು ಇಷ್ಟಪಡುತ್ತಾರೆ. ಅವರು ಯಾವುದರಲ್ಲೂ ಇತರರಿಂದ ಸಹಾಯ ಪಡೆಯಲು ಇಷ್ಟಪಡುವುದಿಲ್ಲ. ಎಷ್ಟೇ ಕಠಿಣ ಪರಿಸ್ಥಿತಿ ಬಂದರೂ ತಮ್ಮ ಕೆಲಸ ತಾವೇ ಮಾಡಿಕೊಳ್ಳುತ್ತಾರೆ.
ಫುಲ್‌ ಪ್ರಾಕ್ಟಿಕಲ್‌
ಜೀವನದಲ್ಲಿ ಯಾವುದೇ ಪರಿಸ್ಥಿತಿ ಎದುರಾದಾಗ ಪ್ರಾಯೋಗಿಕವಾಗಿ ನೋಡುತ್ತಾರೆ. ನಂತರ ಪರಿಹಾರವನ್ನು ಕಂಡುಕೊಳ್ಳುತ್ತಾರೆ. ಅವರ ಈ ಪ್ರಾಯೋಗಿಕ ವಿಧಾನವು ಅವರಿಗೆ ಜೀವನದಲ್ಲಿ ತುಂಬಾ ಉಪಯುಕ್ತವಾಗಿದೆ.
ಸಹಾಯ ಮಾಡ್ತಾರೆ, ಪಡೆಯಲ್ಲ
ಗಾಢ ಬಣ್ಣಗಳನ್ನು ಇಷ್ಟಪಡುವವರು ಯಾರಿಂದಲೂ ಸಹಾಯ ಪಡೆಯಲು ಇಷ್ಟಪಡುವುದಿಲ್ಲ. ಅವರು ಆಕರ್ಷಕ ವ್ಯಕ್ತಿತ್ವದ ಜೊತೆಗೆ ತುಂಬಾ ಒಳ್ಳೆಯ ಸ್ವಭಾವವನ್ನು ಹೊಂದಿರುತ್ತಾರೆ. ಯಾರಾದರೂ ಯಾವುದೇ ವಿಷಯದಲ್ಲಿ ಸಹಾಯಕ್ಕಾಗಿ ಅವರ ಬಳಿಗೆ ಬಂದರೆ ಎಂದಿಗೂ ನಿರಾಕರಿಸುವುದಿಲ್ಲ. ಜನರನ್ನು ಅವರ ಸಮಸ್ಯೆಗಳಿಂದ ಹೊರತರಲು ಅವರು ತಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತಾರೆ.
ಹಕ್ಕು ನಿರಾಕರಣೆ: ಇಲ್ಲಿ ನೀಡಲಾದ ಮಾಹಿತಿಯನ್ನು ಸಾಮಾನ್ಯ ಮಾಹಿತಿಯ ಆಧಾರದ ಮೇಲೆ ನೀಡಲಾಗಿದೆ. ಸ್ಕೈ ಕನ್ನಡ ನಿಜ ಮತ್ತು ನಿಖರ ಎಂದು ಹೇಳಿಕೊಳ್ಳುವುದಿಲ್ಲ.
