ಬಾಲಿವುಡ್ ಸೆಲೆಬ್ರಿಟಿಗಳಂತೆ ಈಗ ಸೌತ್ ಫಿಲ್ಮ್ ಇಂಡಸ್ಟ್ರಿಯ ತಾರೆಯರು ದೇಶ ಮಾತ್ರವಲ್ಲದೆ, ಪ್ರಪಂಚದಾದ್ಯಂತ ಗುರುತಿಸಿಕೊಂಡಿದ್ದಾರೆ. ಸಾಮಾನ್ಯವಾಗಿ ಸಿನಿಪ್ರಿಯರು ಸ್ಟಾರ್‌ಗಳ ಬಗ್ಗೆ ತಿಳಿದುಕೊಳ್ಳಲು ಉತ್ಸುಕರಾಗಿರುತ್ತಾರೆ. ಆದ್ದರಿಂದ ಇಂದು ನಾವು ಸೌತ್ ಸೂಪರ್ ಸ್ಟಾರ್ ನ ಯಶೋಗಾಥೆಯನ್ನು ನಿಮಗಾಗಿ ತಂದಿದ್ದೇವೆ. ಈ ಸೂಪರ್‌ಸ್ಟಾರ್ ಅನ್ನು ಜನರು ಆಟೋ ಡ್ರೈವರ್ ಎಂದು ಕರೆಯುತ್ತಿದ್ದರು. ಆದರೆ ಈಗ ಅವರು 150 ಕೋಟಿ ಮೌಲ್ಯದ ಮನೆಯ ಮಾಲೀಕರಾಗಿದ್ದಾರೆ.
ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಹಲವಾರು ವರ್ಷಗಳಿಂದ ಕೆಲಸ ಮಾಡುತ್ತಿರುವ ಈ ನಟ ತನ್ನ ನಟನೆಯಿಂದ ಎಲ್ಲರನ್ನೂ ಹುಚ್ಚೆಬ್ಬಿಸಿದ್ದಾರೆ. ಸಾಕಷ್ಟು ಖ್ಯಾತಿ ಪಡೆದಿರುವುದಲ್ಲದೆ, ಅಪಾರ ಸಂಪತ್ತನ್ನು ಹೊಂದಿದ್ದಾರೆ. ಇಷ್ಟು ಹೇಳಿದ ಮೇಲೆ ನಿಮಗೆ ಈಗ ಆ ನಟ ಯಾರು ಎಂದು ಅರ್ಥವಾದರೆ ಅಥವಾ ಅರ್ಥವಾಗದಿದ್ದರೂ ಇಲ್ಲಿದೆ ನೋಡಿ ಸಂಪೂರ್ಣ ಮಾಹಿತಿ…
ಸೌತ್ ಸೂಪರ್ ಸ್ಟಾರ್ ಧನುಷ್ ಗೊತ್ತಿರಬೇಕಲ್ಲ…ಜುಲೈ 28, 1983 ರಂದು ಚೆನ್ನೈನಲ್ಲಿ ಜನಿಸಿದ ಧನುಷ್, ಒಂದಾನೊಂದು ಕಾಲದಲ್ಲಿ ಬಾಣಸಿಗನಾಗಲು ಬಯಸಿದ್ದರು. ಆದರೆ, ಸಹೋದರ ಹಾಗೂ ನಿರ್ದೇಶಕ ಸೆಲ್ವ ರಾಘವನ್ ಅವರ ಸಲಹೆಯಂತೆ ನಟನಾ ಜಗತ್ತಿಗೆ ಕಾಲಿಟ್ಟರು. ಧನುಷ್ ತಮ್ಮ ನಟನಾ ವೃತ್ತಿಯನ್ನು 2002 ರ ತಮಿಳು ಚಿತ್ರ ‘ತುಳ್ಳುವದೋ ಇಳಮೈ’ ಮೂಲಕ ಪ್ರಾರಂಭಿಸಿದರು. ಇದರ ನಿರ್ದೇಶಕರು ಧನುಷ್ ತಂದೆ ಕಸ್ತೂರಿ ರಾಜ.
ಆಟೋ ಡ್ರೈವರ್ ಎಂದು ಕರೆಯುತ್ತಿದ್ದ ಜನ
ಒಂದು ಕಾಲದಲ್ಲಿ ಧನುಷ್ ತನ್ನ ನೋಟದಿಂದಲೇ ಜನರ ಕೆಂಗಣ್ಣಿಗೆ ಗುರಿಯಾಗಿದ್ದರು. ಅವರ ನೋಟ ಮತ್ತು ತ್ವಚೆಯ ಬಣ್ಣದಿಂದಾಗಿ ಅವರನ್ನು ಆಟೋ ಡ್ರೈವರ್ ಎಂದು ಕರೆಯಲಾಗುತ್ತಿತ್ತು. ಕಾದಲ್ ಕೊಂಡೆನ್ ಚಿತ್ರದ ಶೂಟಿಂಗ್ ವೇಳೆ ನನ್ನನ್ನು ಆಟೋ ಡ್ರೈವರ್ ಎಂದು ಕರೆದು ತಮಾಷೆ ಮಾಡಲಾಗಿತ್ತು ಎಂದು ಧನುಷ್ ಹೇಳಿದ್ದರು. ವಿಜಯ್ ಸೇತುಪತಿ ಅವರೊಂದಿಗಿನ ಸಂಭಾಷಣೆಯಲ್ಲಿ ಧನುಷ್ ಈ ವಿಷಯವನ್ನು ರಿವೀಲ್‌ ಮಾಡಿದ್ದರು.
150 ಕೋಟಿ ರೂ.ಮೌಲ್ಯದ ಮನೆಯ ಮಾಲೀಕ
ಧನುಷ್ ಇಂದು ದಕ್ಷಿಣ ಭಾರತದ ಯಶಸ್ವಿ ನಟರಲ್ಲಿ ಒಬ್ಬರಾಗಿದ್ದಾರೆ. ಅಪಾರ ಸಂಪತ್ತಿನ ಜೊತೆಗೆ ಸಾಕಷ್ಟು ಖ್ಯಾತಿಯನ್ನೂ ಗಳಿಸಿದ್ದಾರೆ. ಕೆಲವೊಮ್ಮೆ ಜನರು ಧನುಷ್‌ನನ್ನು ಆಟೋ ಡ್ರೈವರ್ ಎಂದು ಗೇಲಿ ಮಾಡುತ್ತಿದ್ದರು. ಆದರೆ ಇಂದು ಧನುಷ್ ತನ್ನದೇ ಆದ ಐಷಾರಾಮಿ ಮನೆಯನ್ನು ಹೊಂದಿದ್ದಾರೆ. ಅವರು 2023 ರಲ್ಲಿ ಚೆನ್ನೈನ ಪೋಯಸ್ ಗಾರ್ಡನ್‌ನಲ್ಲಿರುವ ಮನೆಯನ್ನು ಖರೀದಿಸಿದರು. ಮೆಗಾಸ್ಟಾರ್ ರಜನಿಕಾಂತ್ ಅವರ ಮನೆಯೂ ಇದೇ ಪ್ರದೇಶದಲ್ಲಿದೆ. ಧನುಷ್ ಅವರ ಈ ಮನೆಯ ಬೆಲೆ 150 ಕೋಟಿ ರೂ. ಧನುಷ್ ನಿವ್ವಳ ಮೌಲ್ಯದ ಬಗ್ಗೆ ಹೇಳುವುದಾದರೆ GQ ಇಂಡಿಯಾದ ವರದಿಯ ಪ್ರಕಾರ, ಅವರ ಒಟ್ಟಾರೆ ಸಂಪತ್ತು 230 ಕೋಟಿ ರೂ. ಎನ್ನಲಾಗಿದೆ.
