ಶೀರ್ಷಿಕೆಯಲ್ಲಿ ತಿಳಿಸಿರುವಂತೆ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕೆಲವು ಪದಾರ್ಥಗಳನ್ನು ತಿನ್ನಬಾರದು. ಏಕೆಂದರೆ ಇದು ಉಪಾಹಾರಕ್ಕೆ ಉತ್ತಮವೆಂದು ಪರಿಗಣಿಸಿಲ್ಲ. ಅಷ್ಟೇ ಅಲ್ಲ, ಖಾಲಿ ಹೊಟ್ಟೆಯಲ್ಲಿ ಈ ವಸ್ತುಗಳನ್ನು ಸೇವಿಸುವುದರಿಂದ ಹೊಟ್ಟೆಗೆ ಹಾನಿಯಾಗುತ್ತದೆ.
ಖಾಲಿ ಹೊಟ್ಟೆಯಲ್ಲಿ ವಾಲ್‌ನಟ್ಸ್, ಬಾದಾಮಿ, ಅಂಜೂರ ಮತ್ತು ಓಟ್ ಮೀಲ್ಸ್‌ ನಂತಹ ಅನೇಕ ಪದಾರ್ಥಗಳನ್ನು ಸೇವಿಸುವುದು ಒಳ್ಳೆಯದು. ಇದು ನಿಮ್ಮ ದೇಹಕ್ಕೆ ಶಕ್ತಿಯನ್ನು ನೀಡುತ್ತದೆ ಮತ್ತು ತೂಕ ನಷ್ಟಕ್ಕೂ ಸಹಾಯ ಮಾಡುತ್ತದೆ. ಆದರೆ ಪ್ರತಿಯೊಂದು ಪದಾರ್ಥವು ಬೆಳಗ್ಗೆ ಸೇವಿಸುವುದು ದೇಹಕ್ಕೆ ಪ್ರಯೋಜನಕಾರಿಯಾಗಿರುವುದಿಲ್ಲ. ಹಾಗಾದರೆ ಬೆಳಗ್ಗೆ ಯಾವ ರೀತಿಯ ಪದಾರ್ಥಗಳಿಂದ ದೂರವಿದ್ದರೆ ಒಳಿತು ನೋಡೋಣ ಬನ್ನಿ…
ಸಕ್ಕರೆ ಚಹಾ
ನೀವು ಸಹ ಬೆಳಗ್ಗೆ ಚಹಾ ಅಥವಾ ಕಾಫಿಯನ್ನು ಮೊದಲು ಸೇವಿಸಿದರೆ ಈ ಅಭ್ಯಾಸವು ತಪ್ಪು. ಒಂದೋ ನೀವು ಚಹಾ ಅಥವಾ ಕಾಫಿಯಲ್ಲಿ ಸಕ್ಕರೆಯ ಪ್ರಮಾಣವನ್ನು ಕಡಿಮೆ ಮಾಡಿ ಅಥವಾ ಅದನ್ನು ಸೇವಿಸುವುದನ್ನು ತಪ್ಪಿಸಿ. ಬದಲಿಗೆ ಪೌಷ್ಟಿಕ ಸಿಹಿಕಾರಕಗಳನ್ನು ಬಳಸಲು ಆರೋಗ್ಯ ತಜ್ಞರು ಶಿಫಾರಸು ಮಾಡುತ್ತಾರೆ.
Also Read: ತುಪ್ಪ ಮತ್ತು ಆಲಿವ್ ಎಣ್ಣೆ: ಆರೋಗ್ಯಕ್ಕೆ ಯಾವುದು ಒಳ್ಳೆಯದು?
ಚಹಾದೊಂದಿಗೆ ಬಿಸ್ಕತ್ತುಗಳು
ಚಹಾದಲ್ಲಿ ಅದ್ದಿ ಬಿಸ್ಕೆಟ್ ತಿನ್ನುವ ಅಭ್ಯಾಸ ಅನೇಕರಿಗೆ ಇದೆ. ಆದರೆ ಖಾಲಿ ಹೊಟ್ಟೆಯಲ್ಲಿ ಚಹಾದೊಂದಿಗೆ ಬಿಸ್ಕತ್ತುಗಳನ್ನು ತಿನ್ನುವ ಈ ಅಭ್ಯಾಸವು ನಿಮಗೆ ಹಾನಿ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಇದರ ಬದಲಾಗಿ, ತುಪ್ಪದೊಂದಿಗೆ ಖಖ್ರಾವನ್ನು ತಿನ್ನುವುದು ಉತ್ತಮ ಉಪಾಯ.
ಮಾಲ್ಟ್ ಆಧಾರಿತ ಪಾನೀಯ
ಮಾರುಕಟ್ಟೆಯಲ್ಲಿ ಅನೇಕ ಮಾಲ್ಟ್ ಆಧಾರಿತ ಪಾನೀಯಗಳು ಲಭ್ಯವಿದೆ. ಈ ಮಾಲ್ಟ್ ಆಧಾರಿತ ಪಾನೀಯವು ಸ್ನಾಯುಗಳು, ಶಕ್ತಿ ಅಥವಾ ಎತ್ತರವನ್ನು ಹೆಚ್ಚಿಸುತ್ತದೆ ಎಂದು ಹೇಳುತ್ತದೆ. ಇದರ ಬದಲು ತಣ್ಣನೆಯ ಅಥವಾ ಉಗುರುಬೆಚ್ಚಗಿನ ಹಾಲನ್ನು ಮಕ್ಕಳಿಗೆ ಕೊಡಲು ಆರಂಭಿಸಿ. ನೈಸರ್ಗಿಕ ಸಕ್ಕರೆ ಬೇಕೆಂದರೆ ನೀವು ಅದರೊಳಗೆ ಜೇನುತುಪ್ಪ, ಅರಿಶಿನ ಅಥವಾ ಸಕ್ಕರೆ ಇತ್ಯಾದಿಗಳನ್ನು ಸೇರಿಸಬಹುದು.
ಖರ್ಜೂರ
ಕೆಲವು ವರದಿಗಳ ಪ್ರಕಾರ, ಬೆಳಗ್ಗೆ ಖರ್ಜೂರವನ್ನು ತಿನ್ನುವುದು ಒಳ್ಳೆಯದಲ್ಲ. ಖರ್ಜೂರವನ್ನು ಸೇವಿಸಲು ಇದು ಸರಿಯಾದ ಸಮಯವಲ್ಲ. ಹೆಚ್ಚಿನ ಜನರಿಗೆ ಖರ್ಜೂರವನ್ನು ತಿನ್ನುವ ಸರಿಯಾದ ವಿಧಾನ ತಿಳಿದಿಲ್ಲ ಎಂದು ಹೇಳಲಾಗುತ್ತದೆ. ಇದರಿಂದಾಗಿ ಅವರ ದೇಹಕ್ಕೆ ಹಾನಿಯಾಗಬಹುದು. ಖಾಲಿ ಹೊಟ್ಟೆಯಲ್ಲಿ ಖರ್ಜೂರವನ್ನು ತಿನ್ನುವುದನ್ನು ತಪ್ಪಿಸಬೇಕು. ಏಕೆಂದರೆ ಇದರಲ್ಲಿ ಶೇಕಡ 90 ರಷ್ಟು ಸಕ್ಕರೆ ಮಾತ್ರ ಇರುತ್ತದೆ. ಒಂದು ವೇಳೆ ಖರ್ಜೂರ ತಿನ್ನಬೇಕೆಂದಿದ್ದರೆ ದೇಸಿ ತುಪ್ಪದ ಜೊತೆ ತಿನ್ನಬಹುದು. ಇದರೊಂದಿಗೆ ಗೋಡಂಬಿ ಮತ್ತು ಬಾದಾಮಿಯಂತಹವನ್ನು ಖಂಡಿತವಾಗಿ ಸೇವಿಸಿ.
Disclaimer: ಈ ಲೇಖನದಲ್ಲಿನ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ. ಯಾವುದೇ ರೋಗಲಕ್ಷಣಗಳ ಕಂಡುಬಂದಲ್ಲಿ ಖಂಡಿತವಾಗಿಯೂ ವೈದ್ಯರನ್ನು ಸಂಪರ್ಕಿಸಿ.
