Side Effects Of Eating Eggs: ಬೆಳಗಿನ ಉಪಾಹಾರಕ್ಕೆ, ಸಂಜೆ ಹಸಿವಿಗೆ ಅನೇಕರು ಮೊಟ್ಟೆಗಳನ್ನು ತಿನ್ನಲು ಇಷ್ಟಪಡುತ್ತಾರೆ. ಆದರೆ ಇದು ಎಲ್ಲರಿಗೂ ಪ್ರಯೋಜನಕಾರಿಯೇ?. ಖಂಡಿತ ಇಲ್ಲ. ಏಕೆಂದರೆ ಬಹುತೇಕರಿಗೆ ಮೊಟ್ಟೆ ಸೇವನೆಯಿಂದ ಅನೇಕ ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಉಂಟಾಗುತ್ತವೆ. ಆಮ್ಲೆಟ್ ಆಗಿರಲಿ, ಬೇಯಿಸಿದ ಮೊಟ್ಟೆಯಾಗಿರಲಿ ಅಥವಾ ಅರ್ಧ ಬೇಯಿಸಿದ್ದಾಗಲಿ ತಿನ್ನುವುದರಿಂದ ಪ್ರಯೋಜನಕ್ಕೆ ಬದಲಾಗಿ ಹಾನಿಯುಂಟು ಮಾಡುತ್ತದೆ. ಬೆಳಗಿನ ಉಪಾಹಾರವಾಗಿ ಇದನ್ನು ಸೇವಿಸುವುದರಿಂದ ಎಷ್ಟೇ ಸಮಯ ಉಳಿತಾಯವಾಗಿದ್ದರೂ, ಅನೇಕ ಸಂದರ್ಭಗಳಲ್ಲಿ ಇದರ ಅಡ್ಡ ಪರಿಣಾಮಗಳು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಬಹುದು. ಅದ್ಹೇಗೆ ಅಂತೀರಾ, ಮುಂದೆ ಓದಿ…
ಜೀರ್ಣಕ್ರಿಯೆ ಹೆಚ್ಚು ಕಷ್ಟಕರ
ಸಾಮಾನ್ಯವಾಗಿ ಜೀರ್ಣಕ್ರಿಯೆ ಸಮಸ್ಯೆಯಿರುವ ಜನರು ತಮ್ಮ ಆಹಾರದಲ್ಲಿ ಮೊಟ್ಟೆಗಳನ್ನು ಸೇರಿಸುವುದನ್ನು ತಪ್ಪಿಸಬೇಕು. ವಿಶೇಷವಾಗಿ ನಿಮಗೆ ಗ್ಯಾಸ್, ಅಸಿಡಿಟಿ ಮತ್ತು ಅಜೀರ್ಣ ಸಮಸ್ಯೆಗಳಿದ್ದರೆ, ಮೊಟ್ಟೆಗಳನ್ನು ತಿನ್ನುವುದು ಹೊಟ್ಟೆಯ ಭಾರವನ್ನು ಹೆಚ್ಚಿಸುತ್ತದೆ. ಏಕೆಂದರೆ ಸ್ವಭಾವತಃ ಮೊಟ್ಟೆ ಉಷ್ಣ. ಇದು ಜೀರ್ಣಕ್ರಿಯೆಯನ್ನು ಹೆಚ್ಚು ಕಷ್ಟಕರವಾಗಿಸುತ್ತದೆ.
ಹೃದಯ ರೋಗಿಗಳು
ಹೃದಯ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿರುವವರೂ ಮೊಟ್ಟೆ ತಿನ್ನುವುದನ್ನು ತಪ್ಪಿಸಬೇಕು. ಇದು ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುವುದು ಮಾತ್ರವಲ್ಲದೆ, ರಕ್ತ ಪರಿಚಲನೆಯಲ್ಲಿ ಅಡಚಣೆಯನ್ನು ಉಂಟುಮಾಡಬಹುದು.
ಬೊಜ್ಜು ಸಮಸ್ಯೆ
ಇದು ಹೆಚ್ಚು ಪ್ರೋಟೀನ್ ಇರುವ ಆಹಾರ. ನಿಮ್ಮ ತೂಕ ಇಳಿಸುವ ಪ್ರಯಾಣದಲ್ಲಿ ಮೊಟ್ಟೆಯು ನಿಮ್ಮ ಸಂಗಾತಿಯಾಗಬಹುದು ಎಂದು ನೀವು ನಂಬಿದರೆ ತಪ್ಪು. ವಾಸ್ತವವಾಗಿ, ಅದರಲ್ಲಿರುವ ಪ್ರೋಟೀನ್ ಮತ್ತು ಕೊಬ್ಬಿನ ಪ್ರಮಾಣವು ತೂಕವನ್ನು ಇನ್ನಷ್ಟು ಹೆಚ್ಚಿಸಬಹುದು.
Read Also: ಮಲಬದ್ಧತೆ, ಅಸಿಡಿಟಿಯಂತಹ ಜೀರ್ಣಕಾರಿ ಸಮಸ್ಯೆಗಳಿಗೆ ಸೌತೆಕಾಯಿ ಜ್ಯೂಸ್‌ ಉತ್ತಮ ಮನೆಮದ್ದು..!
ಮೂತ್ರಪಿಂಡದ ಸಮಸ್ಯೆ
ಮೊಟ್ಟೆ ಪ್ರೋಟೀನ್‌ನ ಉತ್ತಮ ಮೂಲವಾಗಿರುವುದಿಂದ ಮೊಟ್ಟೆಯ ಅತಿಯಾದ ಸೇವನೆಯು ಮೂತ್ರಪಿಂಡಗಳಿಗೆ ಹಾನಿಯನ್ನುಂಟುಮಾಡುತ್ತದೆ. ಆದ್ದರಿಂದ ಮೂತ್ರಪಿಂಡಕ್ಕೆ ಸಂಬಂಧಿಸಿದ ಸಮಸ್ಯೆಗಳಿರುವವರು ಅದನ್ನು ಸೇವಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸಬೇಕು. ಇಲ್ಲದಿದ್ದರೆ ಅದು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ.
ಚರ್ಮದ ಸಮಸ್ಯೆಗಳು
ಎಸ್ಜಿಮಾ, ಮೊಡವೆಗಳು ಮತ್ತು ಅನೇಕ ಚರ್ಮ ಸಂಬಂಧಿ ಸಮಸ್ಯೆಗಳಿರುವವರು ಮೊಟ್ಟೆಯ ಸೇವನೆಯನ್ನು ತಪ್ಪಿಸಬೇಕು. ಮೊಟ್ಟೆ ಸ್ವಭಾವತಃ ಉಷ್ಣವಾಗಿರುವುದರಿಂದ ಇದರ ಪರಿಣಾಮ ತ್ವಚೆಯ ಮೇಲೂ ಗೋಚರವಾಗುತ್ತದೆ. ಇದರಿಂದ ಹಲವರಿಗೆ ದದ್ದು, ಊತ, ತುರಿಕೆ ಉಂಟಾಗಿ ಆರೋಗ್ಯವಂತ ತ್ವಚೆಯ ಕನಸು ಕನಸಾಗೆ ಉಳಿಯಬಹುದು.
ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
