Womens day 2025: ಇಂದಿಗೂ ಭಾರತೀಯ ಸಮಾಜದಲ್ಲಿ ಮಹಿಳೆಯರ ಸ್ಥಿತಿ ಹೇಳಿಕೊಳ್ಳುವಷ್ಟು ಉತ್ತಮವಾಗಿಲ್ಲ. ಈ ಬಗ್ಗೆ ಭಾಷಣಗಳು, ಚರ್ಚೆಗಳು ಮಾತ್ರ ನಡೆಯುತ್ತದೆಯೋ ಹೊರತು ಅನುಷ್ಠಾನಕ್ಕೆ ಬರುವುದಿಲ್ಲ. ಪ್ರತಿಯೊಬ್ಬ ಮಹಿಳೆಯೂ ನ್ಯಾಯಕ್ಕಾಗಿ ಹೋರಾಡಬೇಕಾಗುತ್ತದೆ. ಅಂದಹಾಗೆ ವಿಶೇಷವಾಗಿ ಬಾಲಿವುಡ್‌ನಲ್ಲಿ ಕಾಲಕಾಲಕ್ಕೆ ಇಂತಹ ಚಲನಚಿತ್ರಗಳು ತಯಾರಾಗುತ್ತವೆ. ಹಾಗಾಗಿ ಮಹಿಳಾ ದಿನಾಚರಣೆ ಅಂಗವಾಗಿ ಮಹಿಳೆಯರ ಜೀವನ ಮತ್ತು ಹೋರಾಟವನ್ನು ಆಧರಿಸಿದ ಕೆಲವು ಚಲನಚಿತ್ರಗಳ ಬಗ್ಗೆ ಇಂದು ನಾವು ತಿಳಿದುಕೊಳ್ಳೋಣ ಬನ್ನಿ…
‘ಲಾಪತಾ ಲೇಡೀಸ್‘ (Laapataa Ladies)
ಚಿತ್ರದಲ್ಲಿ ಮಹಿಳೆಯರ ಶಿಕ್ಷಣ ಮತ್ತು ಬಾಲ್ಯವಿವಾಹದ ಬಗ್ಗೆ ತೋರಿಸಲಾಗಿದೆ. ಈ ಚಿತ್ರ ಆಸ್ಕರ್ ಪ್ರಶಸ್ತಿಗೂ ಆಯ್ಕೆಯಾಗಿದೆ.
ಶ್ರೀಮತಿ ( shrimati)
ಇತ್ತೀಚೆಗೆ ಶ್ರೀಮತಿ ಸಿನಿಮಾ ಬಿಡುಗಡೆಯಾಗಿದ್ದು, ಇದರಲ್ಲಿ ಮದುವೆಯ ನಂತರ ನಡೆಯುವ ಮಹಿಳೆಯರ ಶೋಷಣೆಯನ್ನು ತೋರಿಸಲಾಗಿದೆ. ಭಾರತೀಯ ಸಮಾಜದಲ್ಲಿ ವಿದ್ಯಾವಂತ ಗೃಹಿಣಿಯ ಜೀವನ ಹೇಗಿರುತ್ತದೆ ಎಂಬುದನ್ನು ಈ ಚಿತ್ರ ಚೆನ್ನಾಗಿ ಪ್ರಸ್ತುತಪಡಿಸಿದೆ.
ದೋ ಪಟ್ಟಿ( Do Patti )
ಇದರಲ್ಲಿ ಮಹಿಳೆಯರ ಮೇಲಿನ ಕೌಟುಂಬಿಕ ದೌರ್ಜನ್ಯವನ್ನು ಚಿತ್ರಿಸಲಾಗಿದೆ. ಗಂಡನ ಪ್ರಣಯ, ಹೆಂಡತಿಗೆ ಹೊಡೆಯುವುದು ಮತ್ತು ಶೋಷಣೆ ತದನಂತರ ಅದರ ವಿರುದ್ಧ ಹೋರಾಡುವ ಮಹಿಳೆಯ ಜೀವನ ಎಲ್ಲವನ್ನೂ ಇದರಲ್ಲಿ ಅದ್ಭುತವಾಗಿ ಚಿತ್ರಿಸಲಾಗಿದೆ.
ಮೇರಿ ಕೋಮ್ (Mary Kom)
ಇದು ಮೇರಿ ಕೋಮ್ (ಬಾಕ್ಸರ್) ಅವರ ಜೀವನ ಚರಿತ್ರೆಯನ್ನು ಆಧರಿಸಿದ ಚಿತ್ರವಾಗಿದ್ದು, ಸಮಾಜದ ಸವಾಲುಗಳು, ಪೂರ್ವಾಗ್ರಹ, ವಯಸ್ಸಿನ ಅಡೆತಡೆ ಇತ್ಯಾದಿಗಳನ್ನು ಮೀರಿ ಹೋರಾಡುವ ಮತ್ತು ಯಶಸ್ಸನ್ನು ಸಾಧಿಸುವ ಶಕ್ತಿಶಾಲಿ ಮಹಿಳೆಯ ಕಥೆಯಾಗಿದೆ.
ಥಪ್ಪಡ್‌ (Thappad)
ಸಿನಿಮಾದಲ್ಲಿ ಗಂಡ ನೆರೆದ ಜನಸಮೂಹದ ಮುಂದೆ ತನ್ನ ಹೆಂಡತಿಯ ಮೇಲೆ ಕೈ ಮಾಡುವುದನ್ನು ತೋರಿಸಲಾಗಿದೆ. ಈ ಘಟನೆಯ ನಂತರ ಸಮಾಜದ ಹಳೆಯ ಚಿಂತನೆಯನ್ನು ಮುರಿದು ಸ್ವಾಭಿಮಾನಕ್ಕಾಗಿ ಹೋರಾಡುವ ಮಹಿಳೆಯ ಕುರಿತು ಅದ್ಭುತವಾಗಿ ಚಿತ್ರಿಸಲಾಗಿದೆ.
ಇತರ ಚಲನಚಿತ್ರಗಳು
ಇವುಗಳಲ್ಲದೆ, ನೀವು ಮರ್ದಾನಿ, ಕಹಾನಿ, ಗಂಗೂಬಾಯಿ, ಪಿಂಕ್, ಕ್ಲೀನ್, ಲಿಪ್ಸ್ಟಿಕ್ ಅಂಡರ್ ಮೈ ಬುರ್ಖಾ, ಇಂಗ್ಲಿಷ್-ವಿಂಗ್ಲಿಷ್ ಇತ್ಯಾದಿ ಚಲನಚಿತ್ರಗಳನ್ನು ವೀಕ್ಷಿಸಬಹುದು. ಈ ಚಿತ್ರಗಳಲ್ಲಿ ಮಹಿಳೆಯರ ಹೋರಾಟವನ್ನು ಅತ್ಯುತ್ತಮವಾಗಿ ತೋರಿಸಲಾಗಿದೆ.
ಇನ್ನು ಹಳೆಯ ಚಿತ್ರಗಳನ್ನು ನೋಡಿದರೆ ಬ್ಯಾಂಡಿಟ್ ಕ್ವೀನ್, ಮಿರ್ಚ್ ಮಸಾಲಾ, ಲಜ್ಜಾ, ಅಸ್ತಿತ್ವ, ಚಾಂದನಿ ಬಾರ್, ಅರ್ಥ್, ಮೃತ್ಯುದಂಡ್ ಇತ್ಯಾದಿಗಳು ಮಹಿಳೆಯರ ಜೀವನವನ್ನು ಆಧರಿಸಿದ ಅತ್ಯುತ್ತಮ ಚಲನಚಿತ್ರಗಳಾಗಿವೆ. ಈ ಚಿತ್ರಗಳಲ್ಲಿ ಮಹಿಳೆಯರ ಹೋರಾಟವನ್ನು ತೋರಿಸಲಾಗಿದೆ. ನೀವು ಇವುಗಳನ್ನು YouTube ನಲ್ಲಿ ಸಹ ವೀಕ್ಷಿಸಬಹುದು.
