Shahrukh Khan Jeans Price: ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ಅವರಂತೆ ಜೀವನ ನಡೆಸಬೇಕೆಂದು ಸಾಕಷ್ಟು ಮಂದಿ ಕನಸು ಕಂಡಿರುತ್ತಾರೆ. ಆದರೆ ಕಿಂಗ್ ಖಾನ್ ಲೆವೆಲ್ ತಲುಪುವುದು ಅಷ್ಟು ಸುಲಭವಲ್ಲ, ಇದರ ಹಿಂದೆ ಅವರ ಅದೆಷ್ಟೋ ವರ್ಷಗಳ ಪರಿಶ್ರಮವಿದೆ. ಶಾರುಖ್ ಖಾನ್ ಇತ್ತೀಚಿನ ದಿನಗಳಲ್ಲಿ ಪ್ರಪಂಚದಾದ್ಯಂತ ಅಭಿಮಾನಿಗಳನ್ನು ಗಳಿಸಿದ್ದಾರೆ. ವಿಶ್ವದ ಮೂಲೆ ಮೂಲೆಯಲ್ಲಿ ಅವರ ಅಭಿಮಾನಿಗಳು ಇದ್ದಾರೆ. ಅವರು ಹೋದಲ್ಲೆಲ್ಲಾ ಅಭಿಮಾನಿಗಳು ಗಂಟೆಗಟ್ಟಲೆ ಸರತಿ ಸಾಲಿನಲ್ಲಿ ನಿಂತು ನೋಡುತ್ತಾರೆ. ಶಾರುಖ್ ಖಾನ್ ಗೆ ವಿಶಿಷ್ಟ ಸ್ಥಾನಮಾನವಿದೆ.
ನಿಮಗೆಲ್ಲರಿಗೂ ಗೊತ್ತಿರುವ ಹಾಗೆ ಕಿಂಗ್ ಖಾನ್ ಥೇಟ್‌ ರಾಜನಂತೆ ಐಷಾರಾಮಿ ಜೀವನ ನಡೆಸುತ್ತಾರೆ. ಆದರೆ ಶಾರುಖ್ ಬಗ್ಗೆ ಇದೀಗ ಒಂದು ವಿಷಯ ಬೆಳಕಿಗೆ ಬಂದಿದ್ದು, ಅದನ್ನು ಕೇಳಿದರೆ ನೀವು ಹುಬ್ಬೇರಿಸೋದು ಖಚಿತ. ಸೂಪರ್ ಸ್ಟಾರ್ ಶಾರುಖ್ ಖಾನ್ ಕೋಟಿಗಳ ಒಡೆಯ…ಮಾಧ್ಯಮ ವರದಿಗಳ ಪ್ರಕಾರ, ಅವರ ನಿವ್ವಳ ಮೌಲ್ಯವು 6,300 ಕೋಟಿ ರೂ.ಗಿಂತ ಹೆಚ್ಚು, ಆದ್ದರಿಂದ ಅವರ ಲೈಫ್‌ ಸ್ಟೈಲ್‌ ತುಂಬಾ ರಾಯಲ್ ಆಗಿರುತ್ತದೆ ಎಂಬುದು ಸ್ಪಷ್ಟವಾಗಿದೆ. ಇತ್ತೀಚೆಗೆ, ಶಾರುಖ್ ಖಾನ್ ಕಾರ್ಯಕ್ರಮವೊಂದರಲ್ಲಿ ಕಾಣಿಸಿಕೊಂಡರು. ಅಲ್ಲಿ ಅವರು ಜೀನ್ಸ್ ಮತ್ತು ಟಿ-ಶರ್ಟ್‌ನಲ್ಲಿ ಕಾಣಿಸಿಕೊಂಡರು. ಈ ಟೈಂನಲ್ಲಿ ಕಿಂಗ್ ಖಾನ್ ಅವರ ಜೀನ್ಸ್ ಸಾಕಷ್ಟು ಸುದ್ದಿ ಮಾಡಿತು. ಆ ಜೀನ್ಸ್ ಅಭಿಮಾನಿಗಳಿಗೆ ತುಂಬಾ ಇಷ್ಟವಾಯಿತು ಕೂಡ. ಶಾರುಖ್ ಕಪ್ಪು ಬಣ್ಣದ ಬನಾನಾ ಜೀನ್ಸ್ ಧರಿಸಿದ್ದರು. ಅದು ತುಂಬಾ ಸ್ಟೈಲಿಶ್ ಆಗಿತ್ತು. ಇದೀಗ ಶಾರುಖ್ ಧರಿಸಿದ್ದ ಈ ಜೀನ್ಸ್ ಬೆಲೆ ಎಷ್ಟೆಂದು ತಿಳಿದುಬಂದಿದೆ.
Also Read: ಅಭಿಮಾನಿ ಸಾವನ್ನಪ್ಪಿದಾಗ ಅವರ ಕುಟುಂಬವನ್ನೇ ದತ್ತು ತೆಗೆದುಕೊಂಡರು ಈ ಸೌತ್ ಸ್ಟಾರ್…ಆ ನಟ ಯಾರು ಬಲ್ಲೀರಾ?
ಶಾರುಖ್ ಧರಿಸಿದ ಜೀನ್ಸ್ ಬೆಲೆ 74 ಸಾವಿರ ರೂಪಾಯಿ ಎನ್ನಲಾಗಿದೆ. ಅವರ ಟೀ ಶರ್ಟ್ ಮತ್ತು ವಾಚ್‌ನ ಬೆಲೆಯನ್ನು ಬಿಡಿ. ಶಾರುಖ್ ಖಾನ್ ಅವರ ಜೀನ್ಸ್‌ನ ಒಟ್ಟು ಬೆಲೆ 74,487 ರೂಪಾಯಿಗಳು ಎಂದು ಹೇಳಲಾಗುತ್ತಿದೆ. ಈ ದುಡ್ಡಿನಲ್ಲಿ ಒಬ್ಬ ಸಾಮಾನ್ಯ ವ್ಯಕ್ತಿ ಅನೇಕ ತಿಂಗಳುಗಳವರೆಗೆ ತನ್ನ ವೆಚ್ಚವನ್ನು ಭರಿಸಬಹುದು. ಕಿಂಗ್ ಖಾನ್ ಜೀನ್ಸ್ ಬೆಲೆ ಬಹಿರಂಗಗೊಂಡಾಗ ಅಭಿಮಾನಿಗಳು ಶಾಕ್ ಆಗಿದ್ದು, ಇದೀಗ ವಿಭಿನ್ನ ರೀತಿಯ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ
ಶಾರುಖ್ ಮುಂಬರುವ ಚಿತ್ರಗಳು
ಶಾರುಖ್ ಹೊಸ ಚಿತ್ರಕ್ಕಾಗಿ ಅವರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದು, ಚಿತ್ರವು ಮುಂದಿನ ವರ್ಷವಷ್ಟೇ ಬಿಡುಗಡೆಯಾಗಲಿದೆ. ಇತ್ತೀಚಿನ ದಿನಗಳಲ್ಲಿ ಅವರು ತಮ್ಮ “ಕಿಂಗ್” ಚಿತ್ರದ ಮೂಲಕ ಸುದ್ದಿಯಲ್ಲಿದ್ದಾರೆ. ಇದರಲ್ಲಿ ಶಾರುಖ್ ʼಡಾನ್ʼ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಶಾರುಖ್ ಜೊತೆಗೆ ಅವರ ಮಗಳು ಸುಹಾನಾ ಖಾನ್ ಕೂಡ ಚಿತ್ರದಲ್ಲಿದ್ದಾರೆ, ಜೊತೆಗೆ ಅಭಿಷೇಕ್ ಬಚ್ಚನ್ ಮತ್ತು ಅಭಯ್ ವರ್ಮಾ ಕೂಡ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸದ್ಯದಲ್ಲೇ ಶೂಟಿಂಗ್ ಆರಂಭವಾಗಲಿದೆ.
